„შეხვედრა ერთი ერთზე შედგა. არავინ არ ესწრებოდა. მე მას მივმართე და ვუთხარი, რომ იგი, როგორც პრეზიდენტი ადექვატურად უნდა მოიქცეს. მან ჯერ მე შემომხედა და მკითხა, როგორ ვგრძნობდი თავს მას შემდეგ, რაც დარბევაში მოვყევი.

ამით მივხვდი, რომ მოვლენების კურსშია. ჩვენ ძალიან რთული ვითარება გვაქვს და ამიტომ, სამოქალაქო ომს არ გამოვრიცხავ. უნდა გავაკეთოთ ყველაფერი იმისათვის, რომ სისხლისღვრა არ დავუშვათ. ვუთხარი, რომ აუცილებელია რეაგირება და არ უნდა იქნას მილიცია საკუთარი ხალხის წინააღმდეგ გამოყენებული. ერთადერთი რასაც იგი დამპირდა არის ის, რომ ხვალ შეიქმნება სპეციალური კომისია, რომელიც პრეზიდენტის ადმინისტრაციისა და ოპოზიციის წარმომადგენლებისგან დაკომპლექტდება.

დღესვე, დღის მეორე ნახევარში უნდა შედგეს შეხვედრა, როგორც მივხვდი, პრეზიდენტსა და ოპოზიციას შორის. რაც შეეხება მასთან შეხვედრას, ყოველ წუთს მასთან ვიღაც შემოდიოდა და რაღაც ფურცლებს გადასცემდა. როდესაც ვუთხარი, რომ სიტუაციის მოგვარება მხოლოდ ვადამდელ საპრეზიდენტო და საპარლამენტო არჩევნებს შეუძლია, მას არ ესიამოვნა“, - განაცხადა კლიჩკომ.