რადას მიერ მიღებული კანონების წინააღმდეგ საერთო-სახალხო მობილიზაციის მოწოდებით მეიდანზე მორიგი საერთო-სახალხო ვეჩე გაიამრთა.კანონები გამოცხადადა ანტისახალხოდ და დიქტატორულად. იაცენუკმა ვეჩეს შეკრებაზე ახალი სახალხო რადას ჩამოყალიბების შესახებ განცხადება გააკეთა.

,,უკრაინის უმაღლესი რადა სამარცხვინო კანონების შემდგე გამოცხადად არალეგიტიმურად“, - განაცხადა ევრომეიდანზე გამოსვლისას იაცენუკმა. ,,ჩვენ უნდა შევქმნათ ალტერნატიული სახალხო რადა ოპოზიციური დეპუტატებისა და ადგილობრივი საბჭოების წარმომადგენლებისგან. ეს ნიშნავს სახალხო რადას ჩამოყალიბებას“, - ხალხმა ხმამაღალი შეძახილებით მხარი დაუჭირა ამ წინადადებას.

ამასთან ერთად, ოპოზიცია პრეზიდენტის ვადამდელი არჩევნების ჩატარების შესახებ აკეთებს განცხადებას, ,,ჩვენ ვაცხადებთ ვადამდელ საპრეზიდენტო არჩევნებს და მას ჩვენ ჩავატარებთ. აგრეთვე ჩვენ ვითხოვთ, ცენტრალური საარჩევნო კომისიის შემადგენლობა იყოს განახლებული, რათა ეს არჩევნები ჩატარდეს სამართლიანად“, - წარმოსთქვა ევრომეიდანზე კლიჩკომ.

მისივე განცხადებით, პრეზიდენტს დაუყენებენ ულტიმატუმს. ,,ის ჩვენ ან მოგვისმენს ან - არა. უკვე ორი თვეა ადამიანები დგანან მეიდანზე, ოღონდ ის ისე იქცევა, თითქოს არ არსებობს. დღეს დგას საკითხი - ან იანუკოვიჩი გაიმარჯვებს, ან უკრაინა. მან თავის ერთ მუჭა მხარდამჭერებთან ერთად მოახდინა უკრაინის პრივატიზება. არ გამოვა!“, - აცხადებს კლიჩკო.

ოპოზიციის ლიდერმა მოუწოდა სამართალდამცავ ორგანოებს, გადავიდნენ ხალხის მხარეს. ,,თქვენ ფიცი მიეცით ხალხს და თქვენ უნდა დაიცვართ ხალხი“.

ამ საღამოსთვის ვეჩეს უკვე 500 ათასზე მეტი ადამიანი ესწრება. აქ არიან სასულიერო პირები და ვეჩე მიმდინარეობს საყოველთაო ლოცვის ფონზე.

ვეჩეს ყველა გამომსვლელი როგორც ოპოზიციის ლიდერები, ასევე საზოგადოების წარმომადგნელები, ყველანი, მოუწოდებენ მოსახლეობას საყოველთაო მობილიზაციისკენ. ბევრი მომიტინგე უკვე ჩაფხუტშია გამოწყობილი, ხალხის რაოდენობა ძალიან სწრაფად იმატებს, მეტროებსა და გაჩერებებში ისმის შეძახილები: დიდება უკრაინას!

დღის ბოლოს, სახალხო ვეჩეზე ყველა ოპოზიციური პარტიის მიერ ხელმოწერილი დოკუმენტი კენჭისყრით იქნა დამტკიცებული.