ჩეჩნეთის რესპუბლიკის პრეზიდენტის, რამზან კადიროვის განცხადებით, მას ჩრდილოეთკავკასიელი ბოევიკების ლიდერის, დოკუ უმაროვის გარდაცვალების მტკიცებულებები გააჩნია. აღნიშნულ ინფორმაციას რუსული მედიასაშუალებები ავრცელებენ.

კადიროვის განცხადებით, უმაროვის ცხედარი ჯერჯერობით აღმოჩენილი არ არის.

ჩეჩნეთის რესპუბლიკის პრეზიდენტის განცხადებით არსებობს ყაბარდო-ბარყალეთისა და დაღესტანის „ემირების“ საუბრის ჩანაწერები. კადიროვის განცხადებით, ჩანაწერებში საუბარია ბოევიკების ახალი ლიდერის დანიშვნის შესახებ.

პრეზიდენტის განცხადებით, უმაროვი ერთ-ერთი სპეცოპერაციის დროს იქნა ლიკვიდირებული.