პეტიციას, რომელიც ამერიკის ხელისუფლებას მოუწოდებს თანამონაწილეობა მიიღონ უკრაინის ექს-პრემიერის იულია ტიმშენკოს გათავისუფლებაში, დღეისათვის უკვე 105 ათასზე მეტმა ადამიანმა მოაწერა ხელი.

ამერიკის პრეზიდენტ ბარაკ ობამასადმი მიმართვაში, რომლეიც თეთრი სახლის საიტზეა განთავსებული, საუბარია იმაზე, რომ ტიმოშენკო პოლიტიკური პატიმარია, რომელიც დაუყოვნებლივ უნდა გათავისუფლდეს.

იმისათვის, რომ პეტიცია ამერიკის სახელმწიფო ადმინისტრაციის განხილვაში შევიდეს, მისთვის ერთი თვის მანძილზე 100 ათას ადამიანს უნდა დაეჭირა მხარი. თეთრი სახლის საიტზე ტიმოშენკოს გათავისუფლების შესახებ პეტიცია 2013 წლის 19 დეკემბერს დაიდო.

პეტიციის დარეგისტრირება მხოლოდ აშშ-ის მოქალაქეს შეუძლია, მაგრამ მისი მხარდაჭერა სხვა ქვეყნების მოქალაქეებსაც შეუძლიათ. ამისათვის საჭიროა თეთრი სახლის საიტზე „პეტიციების“ განყოფილებაში შესვლა და დარეგისტრირება. შემდეგ საკუთარ საფოსტო ყუთში რეგისტრაციის დადასტურება. ამი მერე - ისევ მთავრობის საიტზე დაბრუნება, საჭირო პეტიციის მოძებნა და ხმის მიცემა.

ცოტა ხნით უფრო ადრე, 2013 წლის ნოემბრის ბოლოს, თეთრი სახლის საიტზე პეტიციას უკრაინის ხელისუფლების წინააღმდეგ, რამდენიმე კვირაში თითქმის 140 ათასმა ადამიანმა დაუჭირა მხარი.

zn.ua