ცნობილ ამერიკელ ჟურნალისტსა და პუბლიცისტს რუსეთში შესვლა აუკრძალეს.

დევიდ სეტერს, რომელიც რუსეთისა და საბჭოთა კავშირის შესახებ, მრავალი წიგნის ავტორია და ბოლო ორი წელია მოსკოვში რადიო ,,თავისუფლებაში“ მუშაობს, საზღვარზე გამოუცხადეს, რომ არასასურველ პირთა სიაში მოხვდა.

ჟურნალისტი ვიზის გასაგრძელებლად უკრაინაში გაემგზავრა და უკან დაბრუნებისას აღმოაჩინა, რომ პერსონა ნონ გრატაა.

საკითხის გარკვევას რუსეთში ამერიკის ელჩი მაიკ მაკფოლი რუსეთის საგარეო უწყებაში შეეცადა, თუმცა ლავროვის უწყებამ განმარტებების მიცემაზე უარი თქვა.