ავტომატ АК-47-ის შემქმენლმა მიხაილ კალაშნიკოვმა სიკვდილამდე წელიწადნახევრით ადრე, პატრიარქ კირილს მიწერა წერილი, რომელშიც მსოფლიოში ყველაზე ცნობილი ცეცხლსასროლი იარღის შექმნის გამო სინანულს გამოთქვამდა.

წერილის ტექსტში, კალაშნიკოვი თავს მართლმადიდებელ ქრისტიანად, ავტომატ АК-47-ს - საოცარ იარაღად, ხოლო ცივი ომის დროინდელ ამერიკელებს - საბჭოთა ხალხის მეგობრებად მოიხსენიებს.

კალანიკოვმა სიცოცხლის მანძილზე რამდენჯერმე საჯაროდ გამოთქვა სინანული იმის გამო, რომ სახელი იარაღის შექმნის წყალობით გაითქვა.

„ჩემი სულიერი ტკივილი აუტანელია, ერთი და იგივე ამოუხსნელი კითხვა: ვინაიდან ჩემი ავტომატი ადამიანებს სიცოცხლეს უსწრაფებდა, გამოდის, რომ მეც, მიხაილ კალაშნიკოვი, დაბადებიდან ოთხმოცდაცამეტი წლის, გლეხის შვილი, ქრისტიანი და რწმენით მართლმადიდებელი, დამნაშავე ვარ ადამიანთა, თუნდაც მტრების, სიკვდილში?“ - ნათქვამია წერილში.

„გამოდის რაღაც მუდმივი ძრავი, რომელიც ახალგაზრდობაში ასე მინდოდა გამომეგონებინა. სინათლე და სიბნელე, სიკეთე და ბოროტება - ორი მხარე, ერთმანეთის გარეშე არსებობის უუნარო, ერთი მთლიანობაა? და ეს ყველაფერი ასე უფალმა მოაწყო? და კაცობრიობამ მუდამ ასეთ ურთიერთმიმართებაში უნდა განვლოს?“ - წერს კონსტრუქტორი.

კალაშნიკოვი წერს იმის შესახებ, თუ როგორ გახდა მეგობრების დახმარებით მორწმუნე ადამიანი, როგორ გამოვიდა იჟევსკში მისი სახელობის მუზეუმის აშენების წინააღმდეგ და მხარი დაუჭირა იდეას აღედგინათ წმინდა მიხეილის ტაძარი, რომელიც 1930-იან წლებში ააფეთქეს.

სინოდის ეკლესიისად ასსაზოგადოების ურთიერთობის განყოფილების თავმჯდომარემ, ვსევოლოდ ჩაპლინმა ბი-ბი-სისთან ინტერვიუში განაცხადა, რომ ამ წერილს აღსარებად არ განიხილავს.

მან განმარტა, რომ ეკლესიამ იარაღთან დამოკიდებულების ფორმულირება დიდი ხანია მოახდინა.

„მართლმადიდებლობა ნებისმიერი ერის მიმართ აგრესიის წინააღმდეგ გამოდის, მაგრამ ის უდაოდ და უპირობოდ ეთანხმება ძალისა და იარაღის გამოყენებას იმ სემთხვევაში, როდესაც შენ ერს თავს ესხმიან. და განსაკუთრებით, როდესაც შენი ერის სარწმუნოების აღმსარებლობას საფრთხე ემუქრება“, - თქვა მან.

ნიშნავს თუ არა ეს, რომ ეკლესიის თვალთახედვით კალაშნიკოვი უდანაშაულოა იმაში, რომ გამოიგონა სიკვდილის იარაღი, მღვდელს არ განუმარტავს.

24 დეკემბერს, იჟევსკში ცეცხლსასროლი იარაღის კონსტრუქტორი, მიხეილ კალაშნიკოვი 94 წლის ასაკში გარდაიცვალა. კალაშნიკოვი ნოემბრის შუა რიცხვებიდან მოყოლებული, უდმურტიის კლინიკის რეანიმაციაში იმყოფებოდა, სადაც მუცელი სისხლდენის გამო მოათავსეს.

მიხეილ კალაშნიკოვი საბჭოთა კავშირისა და რუსეთის ცეცხლსასროლი იარაღის გამოჩენილი კონსტრუქტორი იყო. ის მსოფლიოში ცნობილი გახდა АК კალაშნიკოვის ავტომატის შექმნით. მიხეილ კალაშნიკოვი წარმოადგენს ერთადერთ ადამიანს, ვისაც მიენიჭა რუსეთის გმირობისა და ორჯერ სოციალისტური შრომის გმირის წოდებები.

ავტომატ კალაშნიკოვს ასზე მეტი ქვეყნის ძალოვანი უწყებები იყენებენ.