ევროპარლამენტის ლიდერები ლუცენკოს ცემით შოკირებულნი არიან

მსოფლიო - 17:21, 11 Jan, 2014

2910

ევროპელები შოკში არიან ექს-მინისტრ იური ლუცენკოს მდგომარეობის გამო და ხაზს უსვამენ იმის მნიშვნელოვანობას, რომ კონფლიქტის ყველა მხარემ „გამოიჩინოს თავშეკავება, ხოლო მთავრობამ წარმოადგინოს სრული ინფორმაცია მომხდარის შესახებ“.

ევროპის საქმეებში ბრიტანეთის მინისტრმა დევიდ ლიდინგტონმა განაცხადა, რომ შოკირებულია უკრაინის შინაგან საქმეთა ექს-მინისტრის იური ლუცენკოს ცემის შესახებ ინფორმაციით.

ასევე აღშფოთებულია იური ლუცენკოს ცემით ევროპარლამენტის ვიცე-პრეზიდენტი იაცეკ პროტასევიჩი. „ძალადობა უნდა შეწყდეს!“, - დაწერა მან თავის Twitter-ზე.

„რთულია მიიღო მიმართულება, რომლისკენაც უკრაინა მიდის. ლუცენკო მეგობარი, პასუხისმგებლიანი პოლიტიკოსი და კარგი ადამიანია. იური, ჩვენ შენთან ვართ“, - წერს ევროპარლამენტის პოლონელი დეპუტატი პაველ კოვალი.

შეგახსენებთ, რომ უკრაინაში „ბერკუტსა“ და „ევრომაიდნის“ აქტივისტებს შორის დაპირისპირება მოხდა. შედეგად 15-ზე მეტი ადმიანი დაშავდა.

შეტაკების შემდეგ უკრაინის შინაგან საქმეთა ყოფილი მინისტრი იური ლუცენკო სამედიცინო დაწესებულებაში გადაიყვანეს, ლუცენკო რეანიმაციულ განყოფილებაშია მოთავსებული, მას „ბერკუტის“ წევრებმა თავის არეში ძიმე ტრავმები მიაყენეს.

დაპირისპირება მას შემდეგ დაიწყო, რაც აქციის მონაწილეები „ბერკუტის“ წევრებთან მივიდნენ და მათ სახის გამოჩენა სთხოვეს.