"თბილისის ვენტილაცია ისედაც რთულად ხდება მისი "ქვაბივით" მდებარეობის გამო, ამავე დროს ქალაქის ბევრ ზონაში ნიადაგი მიდრეკილია ეროზიისკენ და განსაკუთრებით მნიშვნელოვანია ხეების არსებობა, თბილისი ცხელი ქალაქია ზაფხულის თვეებში, ხეების მასიური გაკაფვის შემდეგ ზოგიერთ უბანში საერთოდ შეუძლებელია სუნთქვა, იმდენად აიწია ზაფხულის პიკზე ტემპერატურამ.

ხეების გაკაფვის და მანქანების მატების პროპორციულად მატულობს ონკოლოგიური და სხვა დაავადებები. პრაქტიკულად ქალაქს აღარ აქვს არცერთი საშუალო ზომის პარკიც კი, რომელიც შეიძლება "ფილტვების" როლს ასრულებდეს. არ ვიცი ამ პეტიციებს რაიმე რეალური ძალა თუ აქვთ, მაგრამ მაინც ბეჯითად ვაწერ ხელს", - აცხადებს ნათია ფანჯიკიძე.

პეტიცია სოციალურ ქსელში შეიქმნა და მას ამ დროისთვის 6 ათასამდე ხელმომწერი ჰყავს.