,,ილია ჭავჭავაძის საზოგადოების” თავმჯდომარე თამაარ ჩხეიძე პატრიარქის საშობაო ეპისტოლესთან დაკავშირებით ,,ფეისბუქის“ გვერდზე საკუთარ მოსაზრებას აქვეყნებს, ყოფილი დისიდენტი ეპისტოლეში არსებულ პასაჟს, რომელმაც საზოგადოების ვნებათაღლევა გამოიწვია, ეკლესიის წინააღმდეგ მიზანმიმართულ კამპანიას უკავშირებს, რომელიც თამარ ჩხეიძის მოსაზრებით, საეჭვოა, ვის მიერ არის დაწერილი.

,,რა თქმა უნდა, ნამდვილად არ იყო კარგი იდეა საშობაო ეპისტოლეში ისეთი თემების მოხვედრა,რომელმაც არასასიამოვნო გამოძახილი გამოიწვია. ეს საკითხები ზოგადად რთულია და შეიძლება აზრთა სხვაობას იწვევდეს. ისიც ფაქტია, რომ ეს პასაჟი მშვენივრად ჩაჯდა ეკლესიის და პატრიარქის წინააღმდეგ მიმდინარე კამპანიაში. სრულიად შესაძლებელია, რომ ის სწორედ ამიტომაც მოხვდა პატრიარქის ეპისტოლეში. პატრიარქი საერთოდ საღად მოაზროვნე, პროგრესული ადამიანია, მაგრამ ისიც უნდა გავითვალისწინოთ, რომ ყოველი ადამიანი ცდება, თანაც კაცმა არ იცის ეს ადგილი ეპისტოლეში ვისი დაწერილია და საერთოდ რატომ არ ითვალისწინებთ ბნელების მხრიდან რამხელა დაწოლის ქვეშ იმყოფება ჩვენი პატრიარქი ? მის წინააღმდეგ გეგმაზომიერი კამპანია მიდის და მიდის უპირველეს ყოვლისა იმიტომ, რომ მისი მტკიცე პოზიცია აფხაზეთზე და ცხინვალზე რუსეთისთვის ძალიან დიდ დაბრკოლებას წარმოადგენს!“, - მიიჩნევს ყოფილი დისიდენტი.