მოსკოვისა და სრულიად რუსეთის პატრიარქი კირილი თვლის, რომ უკრაინის ბოლო პოლიტიკური მოვლენები სამოქალაქო კონფრონტაციისა და ერის გაყოფის საფრთხეს შეიცავს. ამიტომ, პატრიარქი ხალხს მშვიდობისა და სიწყნარისკენ მოუწოდებს.

„ის რაც უკრაინაში ხდება, გულს ძლიერ მტკენს. ჩემთვის უკრაინა მშობლიური ქვეყანაა, ეს მშობლიური ერია, ეს ჩემი ერია და ჩემი სამწყსოა. და ის, რასაც ახლა მე ვაკეთებ, დაკავშირებულია ჩემ შინაგან სულიერ ცხოვრებასთან. მე უკრაინისთვის ვლოცულობ, ვლოცულობ ამ ერისთვის. მე ვხვდები, რომ ერის გაყოფის საფრთხე არსებობს. საფრთხე მორიგი სამოქალაქო კონფრონტაციის გაღვივებისა. საერთოდ, რასაც ახლა ვხედავთ, - ეს რევოლუციური სიტუაციაა“, - განაცხადა პატრიარქმა კირილმა ტელეარხ „რასიას“ ჟურნალისტ დიმიტრი კისილიოვთან ინტერვიუში.

რუსული მართლმადიდებლური ეკლესიის მეთაურმა აღნიშნა, რომ რევოლუციის დროს „ადამიანები ისეთ ენაზე იწყებენ ლაპარაკს, ისეთი მეთოდების გამოყენებით, რომლებითაც ვერცერთ ამოცანას ვერ გადაწყვეტთ“. „რევოლუცია - ეს ვნებების აღზევებაა. ეს ადამიანთა შინაგანი ენერგიის კონკრეტული მიზნის განსახორციელებლად გამოყენებაა. როგორც ყოველთვის, ჩვეულებრივ, რევოლუციის მთავარ მიზანს ელიტების ცვლა წარმოადგენს“, - აღნიშნა მან.

მოსკოვისა დასრულიად რუსეთის პატრიარქმა ხაზი გაუსვა, რომ ეკლესიის მთავარი გზავნილი ხალხისადმი - ეს მშვიდობისა და სიწყნარისკენ მოწოდებაა. და როდესაც ბარიკადებზე ჩნდებიან მღვდლები, რომლებიც ხალხს აქეზებენ, ეს საეკლესიო მოწოდება არ არის“.