21 წლის იაპონელი მოკრივე ტესინ ოკადა თავისი სადებიუტო ორთაბრძოლიდან, რომელშიც მოწინააღმდეგემ ნოკაუტში ჩააგდო, 17 დღეში ტოკიოს საავადმყოფოში გარდაიცვალა.

ოკადა 52,2 კილოგრამის წონით კატეგორიაში გამოდიოდა.

მისმა მეტოქემ მასაფუმი კამიიამამ (ასევე დებიუტანტი) ოკადა ოთხრაუნდიანი ორთაბრძოლის ბოლო რაუნდში ნოკაუტში ჩააგდო. ამის შემდეგ ოკადამ გონება დაკარგა და საავადმყოფოში გადაიყვანეს, სადაც მოკრივეს მწვავე სუბდურული ჰემატომა (დიდი მოცულობით სისხლჩაქცევა ტვინში) დიაგნოზი დაუსვეს. ოკადას თავის ქალის ტრეპანაცია გაუკეთეს.

1952 წლიდან, რაც იაპონური კრივის კომისია დაფუძნდა, ოკადა 38-ე იაპონელი მოკრივეა, რომელიც ორთაბრძოლისას მიღებული ტრავმებისაგან გარდაიცვალა.

Agence France-Presse