სვეტიცხოვლის დეკანოზი მამა სერაფიმე დანელია გაბრიელ ბერის საფლავთან დაკავშირებულ ვითარებაზე ,,ფეისბუქის“ გვერდზე საკუთარ მოსაზრებას წერს:

,,მცხეთას ემცხეთა... სურათს, რომელსაც აქამდე გაურკვეველი და ბუნდოვანი სახე ჰქონდა დღეს უკვე დასრულებული სახე მიეცა... მონაზონს, რომელიც გულწრფელობით ემსახურება უფალს და მამა გაბრიელის საფლავს, კეთილი გულისთქმა მიეცა ქრისტეშობისთვის იმ გაჭირვებულ ხალხს, რომელებიც ასე მრავლად მოდიოდნენ სამთავროში, დახმარებოდა მამა გაბრიელი... გულუბრყვილო ხალხმა კი ეს რომ გაიგო, როგორც მას სჩვევია, მიუმატა, რომ დედაომ ხილვა იხილა და რაც მთავარია, უნდა მოასწრონ შობამდე, ამასთან რატომღაც ორად-ორი სურვილი უნდა მოიტანონ და დაიძრა სრულიად საქართველო... ახლა აღსდგა ამ ხალხზე გაღიზიანებულთა არმია, რომელმაც აშკარა ცდომილება ნახა მათ მოქმედებაში და მათი არასწორი ქმედების მხილებას, მიუმატა წყენა, განკითხვა, დაცინვა, აბუჩად აგდება, ხოლო მცირედნი მიხვდნენ რასთან ჰქონდათ საქმე და მშვიდად განაგრძეს თავიანთი ლოცვა და მოლოდინი სანატრელი ქრისტეშობისა... როგორ შეაფასებდით ასეთ სურათს? თუმცა მთავარი ისაა თუ როგორ შეგვიფასებს ამ სურათს ბეთლემის ცივ ღამეს, ქვაბს შინა დაბადებული... უფალო, ამ დღის მადლით ყველას შეგვინდე ჩვენი უძლურობანი და გამოგვზარდე შენს მადლსა და სიყვარულში... ყველას გილოცავთ!!!“, - წერს დეკანოზი სერაფიმე დანელია.