რა ფინანსები დარჩა მიხეილ ხადარკოვსკის

მსოფლიო - 15:50, 05 Jan, 2014

3251

2004 წელს მიხეილ ხადარკოვსკის კაპიტალი შეფასებული იყო 15 მილიარდი დოლარით, ხოლო ერთ წელიწადში ,,ფორბსმა“ დააფიქსირა, რომ მას აქვს 2 მილიარდ 200 მილიონი დოლარი. თუმცა მაშინ იურისტები აცხადებდნენ, რომ ეს ინფორმაცია არ შეესაბამება სიმართლეს და რომ ბიზნესმენს ერთი წლის შემდეგ დარჩა მხოლოდ 100 მილიონი დოლარი.

როგორც ხადარკოვსკის ადვოკატი ვადიმ კლიუვგანტი აცხადებს, ,,მისი ყვეალზე მთავარი აქტივი არის მისი პიროვნული პოტენციალი, მე არ ვახდენ ულტრირებას და არც კითხვას გავურბივარ, რადგან ყველა დანარჩენი აქტივი გამომდინარეობს სწორედ ამ აქტივისგან. თუმცა, თუ გავითვალისწინებთ წმინდა მატერიალურ აქტივებს, ჯერ კიდევ ,,იუკოსზე“ შეტევის განხორციელებამდე, მას ჰქონდა სოლიდური დანაზოგი, მიღებული დივიდენდების სახით ბიზნესიდან, რომელსაც ის ჯერ კიდევ ,,იუკოსამდე“ აწარმოებდა“.

2005 წელს მიხეილ ხადარკოვსკიმ ჯგუფ ,,მენატეპის“ კონტროლი გადასცა თავის პარტნიორს ლეონიდ ნევზლინს, რომელიც დღესდღეობით ცხოვრობს ისრაელში. როგორც ,,RBK daily“ იტყობინება, კომპანიის ყოფილი მენეჯერები მართავენ ერთ-ერთ ჰოლანდიურ ფონდს და მათ შეიძლება ჰქონდეთ 2-დან 4 მილარდამდე დოლარი, რომელიც შესაძლოა ხადარკოვსკის ეკუთვნოდეს. ეს არის სხვადასხვა ნავთობსადენების გაყიდვიდან შემოსული თანხები.

გარდა ამისა, ხადარკოვსკის აქვს საშუალება, დაიწყოს სასამართლო დავა რომან აბრამოვიჩთან, რომელშიც გამარჯვების დიდი შანსი აქვს.

2003 წელს აბრამოვიჩის კომპანია ,,სიბნეფტი“-მ უარი განაცხადა ,,იუკოსთან“ გაერთიანებაზე. ხელშეკრულებაში მკაფიოდ იყო მითითებული, რომ თუ ერთი მხარე უარს იტყვის ხელშეკრულების პირობების შესრულებაზე, უნდა გადაუხადოს პარტნიორს მილიარდი დოლარი. როგორც ცნობილია, ეს თანხა ხადარკოვსკის ჯერ არ მიუღია.

მიხეილ ხადარკოვსკი პატიმრობიდან გათავისუფლდა 2013 წლის 20 დეკემბერს.