დაკავებამდე ცოტა ხნით ადრე, ორენბურგის სახელმწიფო ინსტიტუტში ოფიციალურად პროკურატურის მიერ დაიწყო ფინანსურ დარღვევებთან დაკავშირებით გამოძიება, რის შემდეგაც რექტორმა ღია წერილით მიმართა მედიასა და ორენბურგის საზოგადოებას. სვირიდოვმა განმარტა, რომ ფინანსურ შემოწმებას საფუძვლად დაედო ანონიმური წერილი. ,,მე დაინტერესებული ვარ, რომ კანონის წესით იქნას შემოწმებული ფინანსურ საკითხებთან დაკავშირებული ყველა შესაბამისი ეჭვი და ფაქტი და მიეცეს მას სამართლებრივი შეფასება, ხოლო დამნაშავეები უნდა იქნან დასჯილი“, - აცხადებს სვირიდოვი თავის წერილში. მაგრამ თავად ის ფაქტი, რომ რამოდენიმე სტუდენტი, რომელიც ამ საბაბით იქნა დაკითხვაზე მიყვანილი და აღრიცხვაზე აყვანილია ექსტრემიზმის ბრალდებით, მიანიშნებს იმაზე, რომ საქმე გვაქვს სხვა პრობლემასთან და ამის შესახებ საუბრობენ, როგორც მედიის, ასევე ორენბურგის აკადემიური წრეების წარმომაგენლებიც.

ორენბურგის მენეჯმენტის სახელმწიფო ინსტიტუტი არის ყველაზე მასშტაბური უმაღლესი სასწავლებელი, ხოლო ოლეგ სვირიდოვი ორენბურგში ითვლება ურალის ელიტის საუკეთესო წარმომადგენლად.

2 იანვარს, ორენბურგის ძერჟინსკის სახელობის სასამართლომ ოლეგ სვირიდოვს აღმკვეთი ღონისძიების სახით ორთვიანი პატიმრობა მიუსაჯა. აღსანიშნავია, რომ დეკემბერში უმაღლეს სასწავლებელთან და რექტორის სახლთან, რომელიც ეჭვმიტანილია ექსტრემიზმის ხელშეწყობაში, ჩატარდა ჩხრეკები. დეკემბერშივე, ,,ეფ-ეს-ბეს“ მიერ გაძლიერებულად მიმდინარეობდა სტუდენტების მასობრივი დაკითხვა და რამდენიმე სტუდენტი რეალურად იქნა დაყენებული აღრიცხვაზე ექსტრემისტული საქმიანობისათვის.