გამოცემა „opentown.org“ ვოლგოგრადში განხორციელებულ ტერაქტებთან დაკავშირებით ანალიტიკურ სტატიას აქვეყნებს. მიმომხილველი სხვადასხვა საეჭვო ვერსიებზე წერს, სადაც მომხდარში რუსეთის ფედერაციის პრეზიდენტის, ვლადიმრე პუტინის შესაძლო კვალზეც საუბრობს.

როგორც მიმომხილველი აღნიშნავს, ისლამისტი ტერორისტები, როგორც წესი, ერთი და იგივე ქალაქში რამოდენიმე ტერაქტს ერთდროულად არ აწყობენ, რადგან ლოგიკურია, რომ პირველივე ტერაქტის შემდეგ ქალაქი ივსება სპეცსამსახურების წარმომადგენლებით, რომელიც შემდგომი დაგეგმილი ტერაქტების ჩაშლის შანსებს ზრდის, ,,თუ ტერაქტებს ორგანიზებას უკეთებენ სპეცსამსახურები, მაშინ ეს ადვილად მოსალოდნელია“, - წერს ავტორი და დასძენს, რომ პუტინმა როგორც სჩანს კრემლში სადავეები დაკარგა.

„არის თუ არა ვოლგოგრადის ტერაქტები ხელსაყრელი პუტინისთვის, რომელმაც ყველაფერი სასწორზე დადო იმისთვის, რომ ზამთრის ოლიმპიადა სოჭში ჩატარებულიყო? ეს ტერაქტები საშნელი დარტყმაა პუტინის მმართველობისთვის. როგორც სჩანს, კრემლში კლანებს შორის ბრძოლა დაიძაბა... როგორც სჩანს პუტინმა სადავეები დაკარგა და იგი, კრემლში მიმდინარე სიტუაციას ვეღარ აკონტროლებს“, - წერს ავტორი.