2014 წლის პირველი იანვრიდან ამერიკის შტატ კოლორადოში მარიხუანას სრული ლეგალიზება მოახდინეს. დაშვებულია არამხოლოდ მოწევა, არამედ ამ ნარკოტიკის ნებიმიერი სრულწლოვანი მსურველისთვის მიყიდვაც. ტურისტული კომპანიები უკვე თავაზობენ განსაკუთრებულ კომლექური ექსკურსიებს.

კოლორადო პირველი ამერიკული შტატი გახდა, სადაც მარიხუანას გაზრდა, გაყიდვა და მოხმარება არამხოლოდ სამედიცინო მიზნებითაა დაშვებული. ამ ნარკოტიკული ნივთიერების გაყიდვის უფლება უკვე შტატის რამდენიმე ათეულმა მაღაზიამ მიიღო.

რეგიონული კანონმდებლობის თანახმად, კოლორადოს, 21 წელს ზემოთ, ნებისმიერ მცხოვრებს შეუძლია სახლში შეინახოს უნცია (28,35 გრამი) კანაბისი, ან მცენარის 6 „ცოცხლი“ ძირი. ერთი უნცია ნარკოტიკის ღირებულებამ შესაძლოა 200 დოლარს გადააჭარბოს.

მარიხუანის შენახვა და მოხმარება ნაწილობრივ ან სრულად ლეგალიზებულია აშშ-ის 20-ზე მეტ შტატში. ზოგიერთმა მათგანმა ამ სფეროში დეკრიმინალიზაცია მოახდინა, ზოგმა კანაბისის მოხმარება სამედიცინო მიზნებით, ექიმის რეცეპტით აფთიაქებში გაყიდვა დაუშვა. სრულიად ღია გაყიდვა, ჯერჯერობით შესაძლებელია მხოლოდ კოლორადოში, თუმცა უახლოეს ხანში, ანალოგიურ კანონს ვაშინგტონის შტაშიც მიიღებენ.

მარიხუანით ვაჭრობის სრული ლეგალიზება პირველად, 2013 წლის დეკემბერში, ურუგვაიმ მოახდინა. ხელისუფლებას იმედი აქვს, რომ ასეთი საშუალებით ნარკომაფიას შემოსავლებს შეუმცირებს. კანონპროექტში ასევე ნათქვამია, რომ მარიხუანით ვაჭრობა სახელმწიფო მონოპოლია გახდება, ხოლო უცხოელებზე მისი გაყიდვა აკრძალული იქნება.

მარიხუანის შეზღუდული ბრუნვა ასევე ნებედარტულია კანადაში, ჩეხეთში, ესპანეთსა და პორტუგალიაში.