ვოლგოგრადში ავტობუსის აფეთქების სკანდალური ვიდეოანალიზი (ვიდეო)

მსოფლიო - 18:11, 31 Dec, 2013

8261

ნოემბრის ბოლოს ვიდეოპორტალებზე გაჩნდა ვოლგოგრადში 21 ოქტომბერს მომხდარი ბოლოსწინა ტერაქტის ამსახველი ვიდეო, რომელიც ერთერთი ავტომანქანის ვიდეორეგისტრატორიდანაა გადაღებული.

ავტომანქანა ავტობუსს უკან მისდევდა და ვიდეოში მოხვდა როგორც აფეთქების მომენტი, ასევე აფეთების შემდეგ განვითარებული მოვლენები.

შეგახსენებთ, ტერაქტის შედეგად 7 ადამიანი დაიღუპა, 30-ზე მეტი კი დაშავდა. ჩანაწერის ავტორები ანალიზის შედეგად ასკვნიან, რომ ავტობუსში დამონტაჟებული ასაფეთქებელი მოწყობილობის სამართავი პულტი იმ მანქანაში იმყოფებოდა, რომელიც აფეთქებული ავტობუსის გვერდით გაჩერდა.

შენელებულ კადრებში კარგად ჩანს, რომ აფეთქების შემდეგ ავტობუსის მარცხენა მხარეს მდებარე სარკმლიდან უცნობი მამაკაცი ხტება და ავტობუსის გვერდით გაჩერებულ ე.წ. „ბუხანკას“ უახლოვდება.

„ბუხანკის“ კარი მომენტალურად იღება და იქედან მამაკაცს ჩანთას აწვდიან. ის იღებს ჩანთას და დაზარალებულ, აფეთქებისას უვნებლად გადარჩენილ მგზავრებს ერევა, რომლებიც ავტობუსიდან, ეს-ესაა, გადმოვიდნენ და, პანიკაში ჩავარდნილები, გარბიან. ამის შემდეგ ე.წ. ბუხანკიდან კიდევ ოთხი კაცი ხტება და ოთხივე დაზარალებულთა მასაში ითქვიფება.

ვიდეონალიზის ავტორთა მტკიცებით, პირველ, ავტობუსიდან გადმომხტარ და „ბუხანკასთან“ მისულ მამაკაცს ჩანთით ყალბი დოკუმენტები გადასცეს, დანარჩენი ოთხი კი, ასევე „ბუხანკიდან“ გადმომხტარნი, ის ყალბი მოწმეები იყვნენ, რომლებსაც ტერაქტის შესახებ სიცრუე უნდა გაევრცელებინათ. ვიდეომასალაში ნათქვამია, რომ ტერაქტამდე ცოტა ხნით ადრე ავტობუსში მძღოლის ადგილი ფოლადის ფირფიტით შემოსაზღვრეს.

ვიდეოანალიზის ავტორები ვლადიმირ ჟირინოვსკის ცნობილ ფრაზასაც იხსენებენ და ამბობენ, რომ მისი მწვავე რეპლიკების შემდეგ ვლადიმირ პუტინმა გამოასწორა „შეცდომა“ და ვლადიმირ ვოლფოვიჩი მედლით დააჯილდოვა. ვიდეომასალის ავტორები ტერაქტის განმხორციელებლად ფსბ-ს მიიჩნევენ და ამბობენ, რომ ქვეყანაში წითელი ტერორი მძვინვარებს, რაც უნდა შეაჩერონ.