აშშ-ში 82 წლის ასაკში გარდაიცვალა მულტიმილიარდერი ჰაროლდ სიმონსი, რომელიც რესპუბლიკური პარტიის მთავარი სპონსორი იყო. ის, კერძოდ, ცდილობდა არ დაეშვა ბარაკ ობამას არჩევა მეორე საპრეზიდენტო ვადით და ამ მიზნით აფინანსებდა რესპუბლიკელების წინასაარჩევნო კამპანიას.

სიმონსი დალასში (ტეხასის შტატი) ბეილორის უნივერსიტეტის სამედიცინო ცენტრში გარდაიცვალა.

ბიზნესმენი უმდიდრესი ამერიკელი მოქალაქეების სიაში მეორმოცე ადგილს იკავებდა. მან შექმნა აშშ-ში ერთ-ერთი ყველაზე დიდი სააფთიაქო ქსელი.

სიცოცხლის ბოლო წლებში სიმონსი მსხვილი საინვესტიციო პროექტებით იყო დაკავებული. მათ შორის, გაკოტრებული კომპანიებისა და ანტიკვარი საგნების შეძენაა. ჰაროლდ სიმონსმა ათობით მილიონი დოლარი შეწირა რესპუბლიკელებს.