ყველა ანალიტიკურ მასალაში აქცენტები კეთდება რუსეთში გახშირებულ ტერაქტებსა და 2014 წლის სოჭის ოლიმპიადის უსაფრთხოებაზე.

გამოცემა "Independent"-ი ხაზს უსვამს იმ საკითხს, რომ ჩეჩნური დაჯგუფების ლიდერმა, დოკუ უმაროვმა ჯერ კიდევ 2013 წლის ზაფხულში, ტერორისტებს მოუწოდა, დივერსიული საქმიანობის ფოკუსირება ოლიმპიურ თამაშებზე მოახდინონ.

29 დეკემბერს ვოლგოგრადში განხორციელებული ტერაქტი, რომელსაც წინ უძღოდა 2 თვის წინ თვითმკვლელის მიერ განხორციელებული ტერორისტული აქტი, რომელსაც სერიოზული მსხვერპლი მოჰყვა, ამყარებს იმ მოსაზრებას, რომ არსებობს საფრთხე ისლამისტი ბოევიკების მიერ ოლიმპიურ ობიექტებზე თავდასხმებისა.

თითქმის ყველა საერთაშორისო საინფორმაციო საშუალება მკაფიოდ აყენებს საკითხს, რამდენად უსაფრთხოა სოჭის ოლიმპიადა?!

უნდა აღინიშნოს, რომ ვოლგოგრადი სოჭიდან დაახლოებით 700 კილომეტრშია.

ვოლგოგრადის რკინიგზის სადგურში ტერორისტული აქტი დღეს თვითმკვლელმა ტერორისტმა ქალმა განახორციელა. სხვადასხვა მონაცემებით, ტერაქტს 18-მდე ადამიანი ემსხვერპლა.