რეგიონების საბჭოს სხდომაზე უკრაინის პრეზიდენტმა ვიქტორ იანუკოვიჩმა განაცხადა, რომ წელს როგორც სარკეში, ისე გამოისახა ყველა პრობლემა და გამოწვევა, რომლებიც წლების მანძილზე გროვდებოდნენ ეკონომიკაში, სოციალურ სფეროში და საგარეო პოლიტიკაში.

მისი თქმით 2013 წელი ერთ-ერთი ყველაზე რთული, „გამოცდის წელი“ იყო დამოუკიდებლობის მანძილზე.

იანუკოვიჩმა აღნიშნა, რომ უკრაინელები ამ სიტუაციას სხვადასხვაგვარად აღიქვამენ: „თუ შევხედავთ ხალხს, ჩვენ შეგვიძლია ვთქვათ, რომ ადამიანებს სხვადასხვა განწყობა აქვთ და განსხვავებული ხედვა იმ პრობლემების მოგვარების გადაწყვეტაში, რომლებიც დაგროვდა“.

პრეზიდენტმა დამსწრეებს სერიოზული საუბრისკენ მოუწოდა. „მე მინდა არ მოელოდეთ, რომ ჩვენ აქ რაღაც საახალწლო დიფირამბებს ვიმღერებთ. მინდა, რომ ყველამ ილაპარაკოს გულწრფელად - ზედმეტი კომპლიმენტების გარეშე“, - ხაზი გაუსვა პრეზიდენტმა.

zn.ua