ამ დღეებში, მომღერალ დიანა ღურწკაიას ოჯახმა რუსეთში ამერიკის საელჩოს ამერიკული ვიზის მისაღებად მიმართა. ღურწკაია მეუღლესთან და ვაჟიშვილთან ერთად, საახალწლო დღესასწაულებზე შტატებში დასვენებას აპირებდა. მეუღლეები გაოცებული დარჩნენ, როდესაც მათ საელჩოდან დაურეკეს და შეატყობინეს, რომ დიანას ვიზა გაცემული იქნება იმ შემთხვევაში თუ მომღერალი წარმოადგენს ფოტოს „უსინათლოთა სათვალის გარეშე“. როგორც სააგენტო Heat.ru-ს მომღერლის მეუღლემ, ადვოკატმა პიოტრ კუჩარენკომ განუცხადა, ამ დროისთვის, დიანას გარდა, ვიზა ოჯახის ყველა წევრმა მიიღო.

პიოტრმა ამერიკის ელჩ მაკფოლის სახელზე წერილი დაწერა, რომელშიც მომხდარი აღწერა და საკითხის მოგვარება სთხოვა.

„დიანას ყველა დოკუმენტი და წინა ვიზები შავ სათვალეშია გაფორმებული, ვინაიდან სათვალე მოდისა და კაპრიზის გამოვლინება არ არის. ეს ჩემი მეუღლის, განცდებით სავსე ცხოვრებაა“, - წერს ღურწკაიას მეუღლე და აღნიშნავს, რომ უარის შემთხვევაში ითხოვს ოჯახის დანარჩენი წევრების ვიზების ანულირებას.

კუჩარენკოს საკონსულომ პასუხად მოწერა, რომ ამ დროისათვის ვიზის გაცემაზე არსებული წესების თანახმად, შეუძლებელია სათვალით გადაღებული ფოტოს გამოყენება, ხოლო უსათვალო ფოტოს წარმოდგენის შემთხვევაში დაუყოვნებლივ გასცემდნენ ვიზას.

ამ დროისთვის, მომღერლის ოჯახის აშშ-ში გამგზავრება ჩაშლის პირასაა. დიანა და პიოტრი ამ სიტუაციაზე საზოგადოების ყურადღების მიპყრობას ცდილობენ.

მომზადებულია heat.ru-ს მასალებზე.