ოთხშაბათს, ერაყის დედაქალაქის ქრისტიანულ რაიონში ორი აფეთქების შედეგად მინიმუმ 22 ადამიანი დაიღუპა, 46-ზე მეტი დაჭრილია, აცხადებს ბაღდადის პოლიცია.

დანაღმული ავტომობილი ქრისტიანული ეკლესიის გვერდით, კათოლიკური შობის დღეს აფეთქდა მაშინ, როცა ტაძარში მისულნი სადღესასწაულო წირვიდან გამოდიოდნენ. 15 ადამიანი ადგილზე დაიღუპა, 30-მა ადამიანმა ჭრილობები მიიღო.

ქალაქის პოლიციის ინფორმაციით, მანამდე, ბაღდადის სამხრეთით, ბაზართან ახლოს კიდევ ერთი აფეთქება მოხდა. დაიღუპა შვიდი, 16 კი დაიჭრა.

ჯერჯერობით, მომხდარზე არცერთ ტერორისტულ ორგანიზაციას პასუხისმგებლობა არ აუღია.