საელჩოს ანონიმური წყარო თავდასხმას „არაპირდაპირს“ უწოდებს, რომელიც რაკეტის ან ყუმბარის გამოყენებით განხორციელდა. თუმცა, თალიბანის განცხადების თანახმად, საელჩოს რაკეტები ესროლეს, რასაც დიდი მსხვერპლი მოჰყვა. ექსტრემისტები საკუთარ განცხადებებში ხშირად აზვიადებენ თავდასხმის მასშტაბებსა და დაღუპულთა რაოდენობას. ამასთან, ოთხშაბათს სამი ავღანელი პოლიციელი დაიჭრა ქაბულის აღმოსავლეთით გზაზე დამონტაჟებული ბომბის აფეთქების შედეგად. ქაბული პოლიციის ხელმძღვანელობის ცნობით, თავდასხმაში მონაწილე ერთ-ერთი ეჭვმიტანილი დაკავებულია.