კიევში, ნომენკლატურისათვის განკუთვნილ კლინიკა „Феофания»-ში, პარასკევს გვიან საღამოს, სახელმწიფო დაცვის კორტეჟი მივიდა, რომელიც, სავარაუდოდ, მაღალი თანამდებობის მქონე პაციენტს ახლდა. ასეთი კორტეჟის უფლება მხოლოდ პრეზიდენტს, პრემიერ-მინისტრს და უმაღლესი რადას თავმჯდომარეს აქვთ. დაცვამ უსაფრთხოების უპრეცედენტო ზომებს მიმართა: სახელმწიფო დაცვის უწყების წარმომადგენლებმა საავადმყოფოს მეორე სართული მთლიანად დაცვის ქვეშ მოაქციეს.

კლინიკაში, რომლის პაციენტებსაც ვიპ-პერსონები წარმოადგენენ, კარანტინი გამოცხადდა. ნათესავება და მნახველებს აღარ უშვებენ, გზავნილებიც კი ანულირებულია. სამედიცინო წრეებიდან ანონიმურ წყაროებზე დაყრდნობით, უკრაინული მედია ასკვნის, რომ პარასკევს, ფეოფანიაში ჰოსპიტალიზირებულ იქნა ვიქტორ იანუკოვიჩი ინსულტით.

აგრეთვე, ორშაბათს ცნობილი გახდა, რომ ამ კვირაში, მოსკოვში უმაღლესი ევრაზიული კავშირის სხდომაზე, პრეზიდენტ ვიქტორ იანუკოვიჩის ნაცვლად( როგორც მანამდე იყო დაანონსებული), პრემიერი ნიკოლაი აზაროვი გაფრინდება.

უკრაინის პრეზიდენტის ადმინისტრაციის საიტზე ოფიციალური ინფორმაცია არ არის.