თურქეთში დიდი კორუფციული სკანდალი გრძელდება. საქმეში მთავრობის გარემოცვაში მყოფი პოლიტიკოსები და ბიზნესმენები ფიგურირებენ. რამდენიმემათგანი, მედიის ინფორმაციით, წინასწარი დაკავების იზოლატორში მოათავსეს.

21 დეკემბერს, სტამბულში სასამართლომ მიიღო გადაწყვეტილება ორი თურქი მინისტრის შვილების დაკავებისა და წინასწარი დაკავების იზოლატორში მოთავსების შესახებ. იზოლატორში ეკონომიკისა და შინაგან საქმეთა მინისტრისტრების შვილები აღმოჩნდნენ, იტყობინება სააგენტო dpa.

მთავრობის გარემოცვიდან სულ 24 კაცზეა სისხლის სამართლის საქმე აღძრული. სააგენტო Reuters-ის ცნობით, ისინი ასევე დაკავებული არიან. ისინი ეჭვმიტანილნი არიან ქრთამის აღებაში, მაქინაციებსა და ფულის გათეთრებაში. მედიის ინფორმაციით, ეჭვმიტანილებმა დუბაიდან, რუსეთიდან, ირანიდან და ჩინეთიდან თანხების გადატანით ფულის გათეთრების სქემა შექმნეს.

კორუფციული სკანდალი თურქეთში 17 დეკემბერს ატყდა, როდესაც სტამბულში სპეცოპერაციის დროს 50 პირი დააკავეს. დაკავებულთა შორის ასევე პრეიერ-მინსტრ რეჯეფ ტაიფ ერდოღანის შვილიც იყო, თუმცა დაკითხვის შემდეგ, გაათავისუფლეს.

ერდოღანმა პოლიციის ქმედებას „ბინძური ოპერაცია“ უწოდა. მისი აზრით, მასთან კავშირში ზოგიერთი უცხოელი დიპლომატიცაა. ერდოღანი მათ ქვეყდან გაძევებით დაემუქრა. მუქარა, პირველ რიგში, შეიძლება მიმართული იყოს აშშ-ის ელჩის მიმართ, წერს სააგენტო AFR.