ჯონ მაკკეინი - ჰკითხეთ საქართველოს თუ როგორი ზეწოლის ქვეშ არიან რუსეთისა და პუტინის მხრიდან

მსოფლიო - 10:52, 20 Dec, 2013

2953

მაკკეინი აცხადებს, რომ პრეზიდენტ იანუკოვიჩს არ აღელვებს მისი მშვიდობიანი მოქალაქეების პროტესტი და მოთხოვნები. მისივე თქმით, რუსეთის ფედერაცია უკრაინას დასავლეთს უბრძოლველად არ დაუთმობს:
„მრჩება შთაბეჭდილება, რომ პრეზიდენტ იანუკოვიჩს არ აღელვებს ან ვერ ხვდება იმ მნიშვნელობას, რაც ამდენი მშვიდობიანი მოქალაქის გამოსვლას აქვს.

არასდროს მინახავს მსგავსი მოვლენა, იმის დაჯერება, რომ ვლადიმერ პუტინი უკრაინას დასავლეთს უბრძოლველად დაუთმობს, სისულელეა. ჰკითხეთ ლიტვას, ლატვიას, მოლდოვას და საქართველოს.

ისინი გიამბობენ, თუ როგორი ზეწოლის ქვეშ არიან რუსეთისა და ვლადიმერ პუტინის მხრიდან“, - განაცხადა ჯონ მაკკეინმა.

უკრაინაში მშვიდობიანი დემონსტრციები 4 დეკემბერს დაიწყო. მას შემდეგ, რაც პრეზიდენტმა ვიქტორ იანუკოვიჩმა ევროკავშირთან ასოცირების ხელშეკრულების გაფორმებაზე უარი განაცხადა.

4 დეკემბერს სტუდენტების აქცია სპეცრაზმმა დაარბია, დაშავდა ათეულობით ახალგაზრდა და სამართალდამცავი.

აღნიშნულმა, პროტესტი გააძლიერა და „ევრომაიდანზე“ კიევის ცენტრში ათასობით ადამიანი გამოვიდა.

ისინი უკრაინის მთავრობის გადადგომასა და ევროპული კურსის გაგრძელებას მოითხოვენ.