ლონდონის დროით 21:52 საათზე დიდი ბრიტანეთის დედაქალაქში, თეატრ „აპოლოს“ შენობაში, ჭერი ჩამოინგრა და მაყურებელს დაეცა.

ტრაგედია სწორედ იმ დროს მოხდა, როცა დარბაზი ხალხით იყო სავსე. ნანგრევები, ძირითადად წინა რიგების მაყურებელს დაეცა, რის შედეგადაც, SkyNews–ისა და BBC-ის ცნობით, 80–ზე მეტი ადამიანი დაშავდა, მათ შორის, 7 მძიმედ.

ტრაგიკული შემთხვევის გამომწვევი მიზეზები ამ დრომდე უცნობია. დაშავებულები სამაშველო სამსახურის ბრიგადებმა კლინიკებში გადაიყვანეს. ინციდენტის დროისთვის თეატრის შენობის დარბაზში სპექტაკლს სულ 750 მაყურებელი ესწრებოდა.