„ეს ჩვენი, სამთავრობათშორისო კონსულტაციებთან დაკავშირებული, გეგმიური შეხვედრაა, და ძლიერ ვიმედოვნებ, რომ შევძლებთ წინ წავიდეთ ჩვენთვის მეტად მგრძნობიარე საკითხების გადაწყვეტაში“, - თქვა პუტინმა იანუკოვიჩთან შეხვედრისას.

მან დასძინა, რომ უკრაინა, სრული ამ სიტყვის მნიშვნელობით, რუსეთის სტრატეგიულ პარტნიორს წარმოადგენს.

„ვიცი, მუშაობის შედეგები თქვენც წარმოგიდგინეს. დღეს გვაქვს ყველა შანსი შევქმნათ, გავამყაროთ ჩვენი შეთანხმებისამებრ სამართლებრივი ბაზა. შევქმნათ ყველა აუცილებელი პირობა იმისათვის, რომ რუსეთსა და უკრაინას შორის სავაჭრო-ეკონომიკური კავშირი განვითარდეს“, - განაცხადა პუტინმა უკრაინის პრეზიდენტთან მისალმებისას.

უკრაინაში, ოპოზიციამ არაერთხელ განაცხადა, რომ სწორედ 17 დეკემბერს აპირებს იანუკოვიჩი საბაჟო კავშირში უკრაინის შესვლის შესახებ შეთანხმებაზე ხელის მოწერას. კიევში 18:00 საათზე (უკრაინის დროით), საბაჟო კავშირის წინააღმდეგ მიტინგი გაიმართება.