საფრანგეთის პრეზიდენტი ფრანსუა ოლანდი და ქვეყნის საგარეო უწყების ხელმძღვანელი ლორან ფაბიუსი სოჭის ზამთრის ოლიმპიადის გახსნაზე არ ჩავლენ.

ამის სესახებ საგარეო უწყების პირველმა პირმა ტელეარხ I-tele-ს ეთერში განაცხადა, აღნიშნა რა, რომ „ქვეყნის პრეზიდენტის სოჭში ჩასვლა გათვალისწინებული არ არის“. მისივე თქმით, სოჭში ჩასვლას არც თვითონ გეგმავს.

სოჭში ჩასვლაზე ოლანდის უარის მიზეზი განცხადებაში არ მითითებულა, თუმცა, სავარაუდოდ, გადაწყვეტილება რუსეთის ხელისუფლების მხრიდან ადამიანის უფლებების სისტემატურმა დარღვევამ განაპირობა.

შეგახსენებთ, რომ მანამდე სოჭში ჩასვლაზე უარი განაცხადეს ასევე გერმანიის ბუნდესპრეზიდენტმა, პოლონეთის პრეზიდენტმა, ევროკავშირის რამდენიმე თვალსაჩინო წარმომადგენელმა და სხვა ევროპელმა პოლიტიკოსებმა.