15 დეკემბერს, კიევში ორი ამერიკელი სენატორი - რესპუბლიკელი ჯონ მაკკეინი და დემოკრატი კრის მერფი ჩავა. ამის შესახებ ორივე სენატორის სპიკერებმა განაცხადეს.

„სენატორი მაკკეინი კიევში მიემგზავრება, რათა შეხვდე ხელისუფლების წარმომადგენლებს, ოპოზიციის ლიერებს და სამოქალაქო საზოგადოებას, რომლებიც თავის ქვეყნის მომავლის განსასაზღვრად მუშაობენ“, - იტყობინება მაკკეინის წარმომადგენელი ბრაიან რიჯერსი.

„უკრაინელები ქუჩაში გამოვიდნენ იმიტომ, რომ იციან, რომ ისინი ხელისუფლებამ გაყიდა რუსეთისაგან მოკლევადიან ფულად დახმარებაზე, და ისინი სამართლიანად ღელავენ უკრაინის გრძელვადიან ეკონომიკურ შედეგებზე“, - ნათქვამია სენატრორების განცხადებაში, რომლებმაც მოამზადეს უკრაინის შეახებ რეზოლუციის პროექტი.

თუ სენატი მხარს დაუჭერს ამ დოკუმენტს, პრეზიდენტ ობამას ადმინისტრაციამ და აშშ-ის კონგრესმა უნდა განიხილოს სანქციების საკითხი იმ პირთა მიმართ, ვინც პასუხისმგებელია მშვიდობიანი დემონსტრანტების მიმართ ძალადობაზე. კერძოდ, საუბარია აშშ-ში შესვლის აკრძალვაზე და აქტივების გაყინვაზე.