„ისტორიულად, ასობით წლის მანძილზე ჩვენ, ბელორუსია და რუსეთი ვცხოვრობდით როგორც ერთი ქვეყანა. და იქ ჩვენი მამები და ბაბუები დებდნენ თავის ძალას, ჭკუას, შესაძლებლობებს და ავითარებდნენ რუსეთის ფედერაციას“, - განაცხადა პარტია რეგიონების დეპუტატმა გრიგორი სმიტიუხმა.

„ეს დიდი ქვეყანაა და პუტინი ვლადიმერ ვლადიმერის ძე - დიდი ადამიანი, გავლენიანი ადამიანი. თუ ნებას დამრთავთ, ჩემი მხრიდან, და თუ მხარს დამიჭერთ, ყველა თგვენგანის მხრიდან, მოდით, მივმართოთ ვლადიმერ ვლადიმერის ძეს, მოდით, მოვუწოდოთ, რომ დღეს უკრაინას დახმარება სჭირდება“, - თქვა რეგიონალმა.

მან რამდენჯერმე დაიყვირა „პუტინ! პუტინ!“, რამდენიმე ხმა აჰყვა.

„ვლადიმერ ვლადიმეროვიჩ, იმედი მაქვს, გაიგებთ. დღეს მაიდანი თქვენ მოგმართავთ, ჩვენ დახმარება და მხარდაჭერა გვჭირდება“, - დასძინა სმიტიუხმა.

როგორც ცნობილია, დღეს, შაბათს, კიევში ევროპის მოედანზე პროსახელისუფლებო მიტინგი „შევინარჩუნოთ უკრაინა“ იმართება.

მომზადებულია censor.net.ua-ს მასალებზე.