უკრაინის პრეზიდენტმა ვიქტორ იანუკოვიჩმა პოსტიდან მოხსნა კიევის სახელმწიფო ადმინისტრაციის მეთაური ალექსანდრე პოპოვი და უკრაინის ეროვნული უსაფრთხოებისა და თავდაცვის საბჭოს მდივანის მოადგილე ვლადიმერ სივკოვიჩი.

შესაბამისი ბრძანებები, შაბათს, პრეზიდენტის ოფიციალურ საიტზე განათავსეს. საიტზე ასევე აღნიშნულია, რომ თანამდებობის ორივე პირი გაათავისუფლეს გენერალური პროკურატურის პეტიციის საფუძველზე, რაც 2013 წლის 30 ნოემბერს, კიევში დამოუკიდებლობის მოედანზე მოქალაქეთა კონსტიტუციური უფლების დარღვევაში მონაწილეობის ეჭვმიტანილობას უკავშირდება.

„პრეზიდენტი იმედოვნებს, რომ გენერალური პროკურატურა ობიექტურად და ყოველმხრივ გამოიძიებს ამ მოვლენებს და საზოგადოებას დაშვებულ უფლებადამრღვევ ქმედებებზე რეაგირების კონკრეტულ ზომებს წარმოუდგენს“, - ნათქვამია საიტზე.