რამდენიმე წუთის წინ გავრცელდა ინფორმაცია, რომ კიევში და უკრაინის ორ აეროპორტსა და ორ რკინიგზის სადგურში ევაკუაცია გამოცხადდა ნაღმის არსებობის საფრთხის გამო.

როგორც უკრაინული გამოცემები წერენ, შსს-მ „ფეისბუქის“ გვერდზე გაავრცელა ინფორმაცია, რომ 102-ზე შემოსული ზარის მიხედვით, ამ ობიექტებზე ნაღმებია.  

იმის გათვალისწინებით, რომ ბოლო ორი დღის განმავლობაში ორჯერ გამოცხადდა განგაში მეტროს სადგურებში თითქოსდა ნაღმების არსებობის გამო და ის უსაფუძვლო აღმოჩნდა, ოპოზიცია ვარაუდობს, რომ შესაძლოა ეს განგაში ხელისუფლებამ განგებ გამოაცხადა, რათა უკრაინის სხვადასხვა ქალაქებიდან ხალხი აქციას არ შეუერთდეს.