უკრაინის ოპოზიციური პარტიების ლიდერები, ვიტალი კლიჩკო, არსენ იაცენუკი და ოლეგ ტიაგნიბოკი ქვეყანაში მიმდინარე პრობლემებთან დაკავშირებით კომენტარს აკეთებენ.

ვიტალი კლიჩკოს განცხადებით, უკრაინაში მიმდინარე პროცესებთან დაკავშირებით დიდი ინტერესია და შედეგად არსებობს რამდენიმე გზა, რომლითაც შესაძლოა არსებული პრობლემები გადაიჭრას:

„დიდია ინტერესი უკრაინაში მიმდინარე მოვლენებთან დაკავშირებით. დარწმუნებული ვარ არსებობს რამდენიმე არჩევანი, რათა ეს კრიზისი დავძლიოთ. ამჟამად რამდენიმე ნაბიჯს განვიხილავთ, თუმცა, საბოლოო გადაწყვეტილება ჯერ არ მიგვიღია. კონსულტაციები გრძელდება“, - განაცხადა ვიტალი კლიჩკომ.

არსენ იაცენიუკის თქმით, ქვეყანისთვის აღნიშნულ სიტუაციაში მნიშვნელოვანია დასავლეთისა და ამერიკის შეერთებული შტატების ჩარევა:

„ჩვენ ვრჩებით იმ იდეის ერთგულნი, რომ უკრაინა გავხადოთ ევროპული ქვეყანა, ამჟამად პოლიტიკურ და ეკონომიკურ კრიზისში ვიმყოფებით, მაგრამ ოპოზიცია გააკეთებს ყველაფერს, რათა პრობლემის გადაჭრის გზები ვიპოვოთ. თუ გავითვალისწინებთ იმ დიდ მხარდაჭერას რასაც ვიღებთ ევროკავშირისგან, შეერთებული შტატებისა და დასავლეთისგან, ეს სიტუაცია გამოსწორებადია“, - აღნიშნა არსენი იაცენუკმა.

ოლეგ ტიაგნიბოკი კი აცხადებს, რომ პოლიტიკურ კრიზისში მესამე ძალის მონაწილეობაა საჭირო:

„ამ პოლიტიკურ კრიზისში საჭიროა მესამე მხარის მონაწილეობა. ასეთი შეიძლება იყოს ევროკავშირი. დარწმუნებული ვარ ადრე თუ გვიან პრობლემას მოვაგვარებთ“, - განაცხადა ოლეგ ტიაგნიბოკმა.