დღეს მუსლიმანური სამყარო ნოვრუზ ბაირამს აღნიშნავს. მარნეულში, აზერბაიჯანული თემის განცხადებით, ადგილობრივმა ხელისუფლებამ სადღესასწაულო ღონისძიებას ორგანიზება არ გაუწია, ამიტომ, სრულიად საქათველოს მუსლიმთა უმაღლესმა სასულიერო სამმართველომ თავის თავზე აიღო მარნეულში ნოვრუზ ბაირამის გამართვა. გარდა ამისა, მათ თხოვნით მიმართეს ხელისუფლებას, დაეშვათ გამონაკლისი და ე.წ. კომენდანტის საათი ერთი დღით გაეუქმებინათ, რაზეც უარი მიიღეს:

"ჩვენ წელს განსხვავებული ფორმატით აღვნიშნავთ ნოვრუზ ბაირამს, ყოველ წელს ადგილობრივი ხელისუფლება აორგანიზებდა ახლა ორი წელია ამას აღარ აკეთებენ პანდემიის გამო. ახლა ვიცით რომ ქვეყანაში პოზიტიური მდგომარეობაა, ეპიდსიტუაციის თვალსაზისით. ხელისუფლება ჩვენ არაფრად გვაგდებს, ახალ წელს კომენდანტი ორი დღით გაუქმდა. ნოვრუზ ბაირამის ღამესაც რომ გაუქმებულიყო, მთელმა აზერბაიჯანულმა საზოგადოებამ ხელისუფლებას მიმართა, თუმცა ჩვენი მიმართვა არაფრად ჩააგდეს, ახლა ხელისუფლების წარმომადგენლები მილოცვებით ერთმანეთს ეჯიბრებიან თუმცა, ამ მილოცვებში გულწრფელობა არ არსებობს, ახლა ჩვენ ჩვენი ძალით აღვნიშნავთ დღესასწაულს", - განაცხადა სრულიად საქართველოს მუსლიმთა უმაღლესი სასულიერო სამმართველოს თავმჯდომარემ მირთაგ ასადოვმა.