აშშ-ის ვიცე-პრეზიდენტი ჯოზეფ ბაიდენი უკრაინის პრეზიდენტ ვიქტორ იანუკოვიჩს ტელეფონით ესაუბრა.

როგორც თეთრი სახლის ოფიციალურ ვებრგვერდზეა აღნიშნული, ბაიდენმა იანუკოვიჩს ურჩია , დემონსტრანტების წინააღმდეგ ძალა არ გამოყენოს. 

"აშშ-ის ვიცე-პრეზიდენტმა აღნიშნა, რომ დემოკრატიულ საზოგადოებაში ძალადობის ადგილი არ არის და უკრაინა-აშშ-ს სტრატეგიულ ურთიერთობებთან შეუთავსებელია", - აღნიშნულია თეთრი სახლის განცხადებაში.

ჯოზეფ ბაიდენმა უკრაინაში ძალადობის შესაძლო გაზრდასთან დაკავშირებით შეშფოთება გამოთქვა და იანუკოვიჩს ქვეყანაში არსებული სიტუაციის დაუყოვნებლივ განმუხტვისა და ოპოზიციასთან დიალოგისკენ მოუწოდა.