საერთაშორისო უფლებადამცველი ორგანიზაცია Freedom House თვლის, რომ უკრაინაში კრიზისიდან გამოსვლის ერთადერთი გზა პრეზიდენტ ვიქტორ იანუკოვიჩის გადადგომაა. ამის შესახებ ორგანიზაციის საიტზე გამოქვეყნებულ პრეს-რელიზშია ნათქვამი.

„უკრაინის ხელისუფლების მხრიდან ძალის დამატებით გამოყენებას დაუყოვნებლივ უნდა მოჰყვეს მიზნობრივი სანქციები აშშ-სა და ევროპის კავშირის მხრიდან უკრაინელი თანამდებობის პირების მიმართ, რომლებიც ასეთ ქმედებაზე პასუხისმგებელნი არიან“, - ნათქვამია განცხადებაში.

Freedom House-მა პრეზიდენტ ვიქტორ იანუკოვიჩს მოუწოდა გადადგეს და ინიცირება მოახდინოს ვადამდელი საპრეზიდენტო არჩევნებისა, რომელიც ერთადერთი არაძალადობრივი საშუალებაა წერტილი დაესვას დემონსტრანტებთან დაპირისპირებას. საერთაშორისო საზოგადოებამ მხარი უნდა დაუჭიროს ქუჩაში გამოსული უკრაინელი ხალხის სწრაფვას.

შეგახსენებთ, რომ Freedom House საერთაშორისო არასამთავრობო ორგანიზაციაა, რომელიც დემოკრატიის, პოლიტიკური თავისუფლების და ადამიანის უფლებების მხარდასაჭერად კვლევებს ატარებს. ყოველწლიურად აქვეყნებს  დემოკრატიული თავისუფლების დონის შეფასების ანგარიშებს მსოფლიოს ქვეყნებში.

zn.ua