ბასილაშვილების ოჯახური სკანდალი გრძელდება - ნოდარ ბასილაშვილი ამტკიცებს, რომ მის მცირეწლოვან შვილიშვილზე ნელი დოროყაშვილი ძალადობს

საზოგადოება - 21:40, 15 Mar, 2021

2263

ჩოგბურთელის , ნიკოლოზ ბასილაშვილის, ოჯახური სკანდალი გრძელდება - ბასილაშვილის მამის , ნოდარ ბასილაშვილის განცხადებით, ბავშვზე ნელი დოროყაშვილი და ფსიქოლოგები ფსიქოლოგიურად ძალადობენ და ყველა ჩვენება, რომელიც საქმეში დევს არის ზეწოლის და დაშინების შედეგად მიცემული - მისივე თქმით, "კრიმინალური მიდგომა" აქვთ მისი შვილიშვილის მერე.
შეგახსენებთ, რომ ნიკოლოზ ბასილაშვილსა და მის ყოფილ მეუღლეს , ნელი დოროყაშვილს , შორის ქონებრივი დავა მიმდინარებს მიუხედავად იმისა, რომ 3 მლნ. ლარის აქტივები გადაუფორმა მას ბასილაშვილმა, დოროყაშვილი მაინც ჩივის.
ჩოგბურთელის ადვოკატის ირმა ჭკადუას განცხადებით, ის, რომ ნიკოლოზ ბასილაშვილი თავის შვილს ალიმენტს არ უხდის ეს არის “ფეიკ ნიუსი”.
მისი თქმით, ბასილაშვილი 2020 წლის თებერვლიდან ბავშვს დამატებითი ხარჯებისთვის თვეში 7500 ლარს უხდიდა, დეკემბერში კი 85 ათასი დოლარი ჩაურიცხა:
“ის, რომ ნიკოლოზ ბასილაშვილი თავის შვილს ალიმენტს არ უხდის ეს არის “ფეიკ ნიუსი”, გამომდინარე იქედან, რომ საერთოდ არ არსებობს არანაირი გადაწყვეტილება რითაც ნიკოლოზ ბასილაშვილს ალიმენტის გადახდა დაკისრებული აქვს. ქორწინების პერიოდშივე ქალბატონმა ნელი დოროყაშვილმა წამოიწყო ქონებრივი დავა. ბასილაშვილის მოთხოვნა იყო, რომ მას არ სურდა სასამართლო დავაში შესულიყო. გადაწყვიტეს, რომ მორიგების აქტი გაფორმებულიყო. მორიგების აქტით მან მიიღო საცხოვრებელი სახლი ჭავჭავაძის ქუჩაზე, სადაც ამჟამად ცხოვრობს ქალბატონი ნელი დოროყაშვილი, რომელიც გახლდათ ნიკოლოზ ბასილაშვილის საცხოვრებელი სახლი. ბატონ ნიკოლოზს 2020 წლის ებერვლიდან დეკემბრიდან გადახდილი აქვს 7500 ყოველთვიურად დამატებით უხდიდა ბავშვს. ბოლოს ჩარიცხული აქვს 85 ათასი დოლარი დეკემბერში. სპეკულაციები, რომ ბასილაშვილი შვილს თურმე სახლს ართმევს და ალიმენტს არ უხდის ძალიან უხერხულია” – აცხადებს ირმა ჭკადუა.