"უკვე მეორე კვირაა, ნახევარ მილიონზე მეტი ადამიანი ავსებს კიევის ქუჩებს. უკრაინაში ხელისუფლების საწინააღმდეგო ამ აქციებს უდიდესი მნიშვნელობა აქვს ევროპის მომავლისთვის, მაგრამ ამერიკის გულგრილობის პრიზმიდან ამის დანახვა ძნელია", – წერს სარედაქციო წერილში The Wall Street Journal.

წერილში აღნიშნულია, რომკლინტონისა და ბუშის პრეზიდენტობის დროს აშშ აქტიურად ეხმარებოდა უკრაინას, გამხდარიყო უფრო ძლიერი სახელმწიფო, ახლანდელმა ადმინისტრაციამ კი ამის ინტერესი დაკარგა.

"პუტინი გააგრძელებს ამ თამაშს, რათა შეინარჩუნოს კიევი თავის ორბიტაზე", – აღნიშნავს გამოცემა.

"ობამამ ნათლად უნდა გააგებინოს პუტინს, რომ მას მოუწევს ზღოს იმ შემთხევაში, თუ გააღვივებს ძალადობას და ხელს შეუწყობს შეტევას დემოკრატიაზე. კარგი იქნება, თუ ობამა დუმილს დაარღვევს და თავისუფლებისა და დასავლეთის სახელით გამოვა", – აღნიშნულია The Wall Street Journal–ის სარედაქციო წერილში.