რადას დეპუტატი ანდრი პარუბი, რომელიც ოპოზიციის სხვა ლიდერებთან ერთად ევრომაიდნის მისადგომების დასაცავად აქტივისტებთან ერთად იყო გასული, წერს, რომ „ტიტუშკები“ მარინის პარკიდან გარბიან.

„ტიტუშკები“ მასობრივად გარბიან სახლებისკენ მარინის პარკიდან. ჩვენ შევინარჩუნეთ განაპირა ბარიკადა“, - წერს „ბატკივშინას“ დეპუტატი.

შეგახსენებთ, რომ უკრაინაში „ტიტუშკების“ მეტსახელით მოიხსენიებენ სპორტული აღნაგობის ახალგაზრდებს, რომლებსაც, როგორც წესი, ხელისუფლება ოპოზიციურად განწყობილი მიტინგებისა და დემონსტრაციების დასაშლელად იყენებს.