საპატრიარქოს პრესსამსახურის ხელმძღვანელი, დეკანოზი ანდრია ჯაღმაიძე ჭყონდიდის ეპარქიაში განვითარებულ მოვლენებს შეჭრის მცდელობად აფასებს და "გაუგონარ თავხედობას" უწოდებს.

ჯაღმაიძის თქმით, მომხდარი შესაძლებელი არის შეედაროს, "მხოლოდ ძალიან მძვინვარე დევნის მომენტს" და მსგავსი რამ საქართველოში კომუნისტების დროიდან არ მომხდარა.

"ეს იყო მცდელობა ეპარქიის რეზიდენციაში მიმდინარე კრების დროს გარედან შეჭრის მცდელობა. მსგავსი რამ ეკლესიას თანამედროვე ეპოქაში არ ახსოვს. ეს არის გაუგონარი თავხედობა. ეს უნდა ეხებოდეს ყველა ქართველს, ყველა მართლმადიდებელ საქართველოს მოქალაქე. ეს არის ფეხქვეშ გათელვა ეკლესიისა და სიწმინდის.

მიმდინარეობდა კრება, სადაც უნდა ყოფილიყვნენ სასუილიერო პირები და მოხდა შეჭრა აი, ამ კრებაზე. ეს არის რეზიდენცია, რომელსაც აქვს უფლება, ჩაატაროს კრება დამსწრეების გარეშე. ყოველგვარი შეეჭრა უნებართვო, არის შეჭრა", - ამბობს ჯაღმაიძე.