მუსიკოსი ქრისტინე მარტიაშვილი, რომელმაც დღეს ბერა ივანიშვილთან დაკავშირებული ისტორია გაიხსენა, "მთავარი არხის" ეთერში, გადაცემაში "მთავარი აქცენტები" მორიგ ფაქტთან დაკავშირებით საუბრობს.

"ჩემმა ერთ-ერთმა მუსიკოსმა მეგობარმა მომწერა, რომელსაც ერთწლიანი კონტრაქტი ჰქონდა ბერას სტუდიაში. იმ პერიოდში, როდესაც კონტრაქტი გააფორმეს, კონტრაქტში წერია ასეთი რაღაც, რომ 27 მანძილზე უფლება არ აქვთ, გათქვან ის, რაც სტუდიაში მოისმინეს.. რატომ წერია ასეთი რაღაც კონტრაქტში, თუ იქ არაფერი შავდება", - ამბობს მარტიაშვილი.

მისივე თქმით, პირადად მას, ბერასგან ზედმეტი არაფერი უგრძვნია. "პირიქით, ჩემს მიმართ საკმაოდ თბილი იყო", ამბობს და იხსენებს, რომ ერთადერთი, რაც შეუძლია, ფსიქოლოგიურ ძალადობად ჩათვალოს, ანაზღაურების დაკლებაა. "ვერ მივიღე ის თანხა, რაც მოვითხოვე".

"მაგრამ ის, რაც მე შემდეგ მივიღე მისი [ბერას] მეგობრებისგან და თანამრომელბისგან, რომ თურმე მე უფლება არ მქონია ერთი კომენტარის დაწერის მასთან და თურმე მე არ უნდა მომეთხოვა 2000 დოლარი.. ვფიქრობ, აბსოლუტურად სამართლიანად მოვითხოვე ეს თანხა", - ამბობს მუსიკოსი.