ევროკომისიის პრეზიდენტი ჟოზე მანუელ ბაროზო უკრაინის პრეზიდენტს ვიქტორ იანუკოვიჩს ტელეფონით ესაუბრა. ინფორმაცია ამის თაობაზე ევროკავშირის ოფიციალურ ვებგვერდზეა განთავსებული. ამავე საუბრის დროს გადაწყდა, რომ უახლოეს პერიოდში, მიმდინარე კვირას კიევში საგანგებო ვიზიტით ჩავა კეტრინ ეშტონი.

ბაროზომ კიდევ ერთხელ შეახსენა იანუკოვიჩს ევროკავშირის პოზიცია, რომ უკრაინაში შექმნილი სიტუაცია მხოლოდ დიალოგის გზით შეიძლება დარეგულირდეს.

უკრაინაში მიმდინარე მოვლენებს „ტვიტერის“ მეშვეობით გამოეხმაურა შვედეთის საგარეო საქმეთა მინისტრი კარლ ბილდტი. მისი პროგნოზით, თუ მხარეები მოლაპარაკების მაგიდას არ მიუსხდებიან, ძალადობისა და რეპრესიების ტალღის საშიშროება არსებობს.

უკრაინის მოვლენებს ეხმიანება დასავლეთის პრესაც. მაგალითად, Der Spiegel კი წერს, რომ ანგელა მერკელმა ფსონი ვიქტორ კლიჩკოზე დადო. კლიჩკოს, სავარაუდოდ დეკემბერში ბრიუსელში ევროკავშირის იმ სახელმწიფოს ლიდერების შეხვედრაზე მიწვევენ, რომლებისც ევროპის სახალხო პარტიის წევრები არიან. სავარაუდოდ კლიჩკოს ექნება შეხვედრა ანგელა მერკელთანაც.

სავარაუდოდ, კლიჩკოს პარტია „უდარი" ევროპის სახლახო პარტიისგან და ადენაუერის ფნდიდადნ ლოჯისტიკურ დახმარებასაც მიღებს. ასევე ვრცელდება ინფორმაცია გერმანის საგარეო საქმეთა მინისტრისა და ანგელა მერკელის თანაშემწის კლიჩკოსთან კონფიდენციალური შეხვედრის შესახებ.