მამა შალვა კეკელია ოლგა ბაბლუანთან ოჯახში ძალადობის თემაზე ამახვილებს ყურადღებას და აღნიშნავს, რომ ამ მხრივ ძირითადად, ჭარბობს ქალებს შორის დაპირისპირება.

"სულ ამბობენ, რომ კაცები ძალადობენ ქალებზე. ძირითადი ძალადობა ოჯახში უმეტეს შემთხვევაში არის ქალებს შორის, უმეტესად, დედამთილსა და რძალს შორის. უამრავი ოჯახი ინგრევა იმის გამო, რომ რძალი და დედამთილი ერთმანეთს ვერ უგებენ, კაცი კი იჭყლიტება. რამდენი კაცი მოსულა ჩემთან და უთქვამს, მამაო, რა გავაკეთო, ეს დედაა, ეს ცოლია. უამრავი ასეთი შემთხვევა გვაქვს. მარტო ცალმხრივად საუბარი, რომ კაცები ძალადობენ, არ შეიძლება…" - ამბობს მამა შალვა კეკელია.