ქობულეთში ტრაგიკულად გარდაცვლილი 14 წლის გოგონა, რომელმაც სიცოცხლე თვითმკვლელობით დაასრულა, წესის აგების გარეშე დაკრძალეს - შესახებ ინფორმაცია მედიაში ვრცელდება.

გარდაცვლილის მეზობლის თქმით, ნინი ქრისტიანი იყო, თუმცა ბაბუის ოჯახმა ბავშვი ისე დაკრძალა, რომ მღვდელს არც კი შეატყობინეს.

"შესაძლოა, თავი რომ მოიკლა წესის აგება არც მომხდარიყო, მაგრამ თვითონ ოჯახმა გადაწყვიტა ასე. ისე დაკრძალეს, რომ მღვდელსაც კი არ დაუძახეს“, – აცხადებს მეზობელი “პრაიმტაიმთან”

"პრაიმტაიმმა" ინფორმაცია ბათუმისა და ლაზეთის ეპარქიის საზოგადოებასთან ურთიერთობის სამსახურის ხელმძღვანელთან, მამა იოანესთან გადაამოწმა, რომელმაც განუცხადა, რომ მათთვის ამ საკითხთთან დაკავშირებით არავის მიუმართავს - მისივე თქმით, რომ მოემართათ ეკლესია იმსჯელებდა ამ საკითხზე.

"ჩვენთვის ნამდვილად არავის მოუმართავს. მისი ოჯახი არც დაგვკავშირებია. რომ მოემართა ეკლესია იმსჯელებდა ამ საკითხზე, მაგრამ ეს მას შემდეგ, რაც თავად ოჯახი მოითხოვდა ამას. ამის სურვილი არ გასჩენიათ. სხვათაშორის, მე გადავამოწმე ინფორმაცია და ქობულეთში ყველა მღვდელს ვკითხე, ვინმე ხომ არ დაგკავშირებიათ ოჯახიდანთქო, მაგრამ ასეთი კონტაქტი არ შემდგარა. ასე რომ, ტყუილია, თითქოს რომელიმე მამაომ უარი თქვა მისვლაზე და წესის აგებაზე რომ ყოფილიყო ოჯახის მხრიდან ინიციატივა, რაღაცას მოვიმოქმედებდით“, – ამბობს მამა იოანე.