უკრაინის ექს-პრემიერი იულია ტიმოშენკო ევრომაიდანის თხოვნით შიმშილობას წყვეტს, იუწყება ექს-პრემიერის ქალიშვილი ევგენია ტიმოშენკო.

„მაიდანის თხოვნით ის შიმშილს წყვეტს. მაიდანიდან გადმომცეს პეტიცია, რომ მას შეეწყვიტა შიმშილობა, ეს ასობით ადამიანის ხელმოწერა იყო. ისინი ითხოვდნენ, რომ გაფრთხილებოდა საკუთარ სიცოცხლეს, ჯანმრთელობას და შეძლოს მათთან ყოფნა და მხარდაჭერა იმიტომ, რომ ის სჭირდებათ. დღეს, როდესაც ეს გადავეცი, მან თქვა, რომ ხალხის თხოვნით წყვეტს შიმშილს იმიტომ, რომ მისი შიმშილობა მათი მხარდაჭერის ნიშნად იყო“, - უთხრა ევგენია ტიმოშენკომ ჟურნალისტებს და დასძინა, რომ ახლა დედამისის მდგომარეობა შეიძლება შეფასდეს როგორც კრიტიკული.

„ის ძალიან დასუსტებულია, უმეტესად წევს, და ჩვენ ამას ვუკავშირებთ იმას, რომ მოკლე დროის მანძილზე ის უკვე მესამედ შიმშილობს... ძალიან მადლიერი ვარ მისი, რომ შეწყვიტა შიმშილი, რადგან ოჯახში ძალიან ვნერვიულობდით მის გამო“, - თქვა ტიმოშენკოს ქალიშვილმა.

zn.ua