პირველი საუნივერსიტეტო კლინიკის დირექტორი, ლევან რატიანი ამბობს, ,რომ მსახიობ კახი კავსაძის მდგომარეობა ამ ეტაპზე სტაბილურად მძიმეა.

რატიანი თქმით, მსახიობს რამდენიმე ქრონიკული დაავადება აქვს და ამ ეტაპზე მათი გამწვავება მოხდა.

„ბატონი კახი კავსაძე ჩვენს კლინიკაში შემოყვანილი იქნა, დაახლოებით 4-5 დღის წინ. მდგომარეობა კრიტიკული იყო. სახეზე იყო მისი ძირითადი დაავადებების გართულებები. სუნთქვის მწვავე უკმარისობა, ძილიანობა, ამ ეტაპზე ჩატარებული მკურნალობის შედეგად შეიძლება მკურნალობა დადებითად ჩაითვალოს. მისი მდგომარეობა სტაბილურად მძიმედ ფასდება. ვფიქრობ, თუ ასე გაგრძელდა, ძირითადი დაავადებების გამწვავებები ლიკვიდირებული იქნება და დაახლოებით ერთ კვირაში გაეწერება ბატონი კახი კლინიკიდან“, – აცხადებს ლევან რატიანი „ტვ პირველთან“.