"ორჯერ მოვხვდი მორგში... უფროსმა მამიდამ არ გააკვეთინა ჩემი თავი და გადავრჩი..."- "კვაზის" ტრაგიკული და დაუჯერებელი ამბავი

საზოგადოება - 12:17, 12 Feb, 2021

1276

ყველათვის საყვარელი სერიალის, ჩცდ-ს ერთ-ერთი გამორჩეული მსახიობი ,ზურაბ ანთელავა იგივე "კვაზი", მერიკო კარტოზიას გადაცემაში მისი ცხოვრების საინტერესო ფრაგმენტები გაიხსენა.

მსახიობი ამბობს, რომ ის დედის გარეშე გაიზარდა, 4 თვის იყო როცა დედას მფრნავი მენინგიტი დაემართა და მამიდა აღმოჩნდა ის ერთადერთი ადამიანი, ვისთანაც არ ტიროდა.

როგორც თავად ამბობს ძალიან მძიმე ბავშვობა ჰქონდა - 2-ჯერ წაიყვანეს მორგში, რომ განეკვეთათ, თუმცა უფროსმა მამიდამ არ დაუშვა ეს მომხდარიყო.

"4 თვის ვიყავი, როდესაც დედა გახდა ავად. მფრინავი მენინგიტი დაემართა. ძალიან მძიმე მდგომარეობა იყო, სანამ მამიდა წამომიყვანდა, ბაბუა და მამა მზრდიდა.

სანამ წამომიყვანდნენ ორჯერ მოვხვდი მორგში. უფროსმა მამიდამ არ გააკვეთინა ჩემი თავი და გადავრჩი. შემდეგ ვენერა მამიდას უთხრეს, წაიყვანე ეს ბავშვი, იქნებ გადარჩესო.

ერთადერთი ქალი იყო, რომელმაც ამიყვანა ხელში და გავჩერდი. მამამ სხვა ოჯახი შექმნა. დედამ დაკარგა მეხსიერება, მხედველობა, სმენა… ნელა-ნელა გამოვიდა, მაგრამ სმენა არ დაბრუნებია.

დედას მხოლოდ ბავშვობაში ვნახულობდი, მაგრამ არ ვიცოდი რა იყო დედა. ის შორიდან მოდიოდა. ეტყობა ხვდებოდა… ვერ მიახლოვდებოდა, დედის და შვილის ურთიერთობა არ ჩამოყალიბდა რამდენიმე წელი.

სამ წლამდე მამიდაჩემს ვეძახდი დედას. შემდეგ დავუძახე მამიდა. ჩემი ძმა იყო დარჩენილი დედასთან და ფაქტიურად მან მოუარა ბოლომდე.

სიტყვა დედის თქმა მიჭირდა. შემდეგ უფრო მომინდა ეს ურთიერთობა. როცა დავქორწინდი, მეუბნებოდა, თამაზის ხომ ვუნახავდი პენსიას და ახლა შენ დაგიგროვებო.

ტრაგედია იმაშია, როცა ესპანეთში წავედი, ვეღარ დავდიოდი მასთან ხშირად, ერთხელაც როცა ჩამოვედი, ჩემს ძმას დავურეკე წავედით-მეთქი. ჩავედით, ჩვეულებრივად დაგვხვდა მეზობლები. არ გამკვირვებია ასე დახვედრა… მივედი ეზოში, ჭიშკარი ღიაა, კარები ღიაა, შევედი და დედა გარდაცვლილი დამხვდა" ,- ამბობს მსახიობი.