სინოდის დღევანდელი სხდომა დასრულდა - რაზე იმსჯელეს სასულიერო პირებმა და რა გადაწყვეტილებები მიიღეს გარკვეულ საკითხებთან დაკავშირებით, უცნობია. მაღალი იერარქიის წარმომადგენლებმა საპატრიარქო უკომენტაროდ დატოვეს.

მსჯელობის სავარაუდო თემებს შორის განსახილველი იყო კორონავირუსის პანდემია და ვაქცინაცია, პეტრე ცაავას განკვეთის საკითხი, ეპარქიებში ახალი მღვდელმთავრების დანიშნვის საკითხი, რომელთა შორის გარეჯის საქმის ფიგურანტი მამა კირიონიც მოიაზრებოდა.

საპატრიარქოს ტერიტორიაზე ჟურნალისტების მაღალი მობილიზებაა. ისინი სინოდის სხდომაზე მიღებული გადაწყვეტიებების შესახებ ინფორმაციას ელოდებოდნენ, თუმცა საღამომდე ოფიციალური განცხადება არ გაკეთდება.