კიევში დემონსტრანტთა პირველი კოლონა დამოუკიდებლობის მოედნიდან მინისტრთა კაბინეტის შენობისკენ დაიძრა. ისინი შენობის ბლოკირებას გეგმავენ. დემონსტრანტებს უჭირავთ პლაკატები: „იანუკოვიჩი ნაძვის ხეზე!“ და უკრაინისა და ევროკავშირის დროშები.

პარალელურად, დღესვე დაგეგმილია პროკურატურის შენობის ბლოკირება, ხოლო ოპოზიცია აპირებს ალტერნატიული ადგილობრივი თვითმმართველობის ორგანოს ჩამოყალიბებას კიევში.

დამოუკიდებლობის მოედანზე ამ დროისთვის ათასამდე დემონსტრანტი იმყოფება. ეს ის ნაწილია, ვინც ღამე ევრომაიდანზე გაათია. მოედნის გავლით სამთავრობო კვარტალებისკენ ერთი საათის წინ გადაადგილდა სამართალდამცველებით სავსე სამი მიკროავტობუსი.